Print 
RSS 
Comments(5)माओवादी सभासदको गाडी तोडफोड
MNN Reporter Report | 19 Aug 2010 | Views: 126
काठमाडौं, भाद्र ३ । मकवानपुरका दुई माओवादी सभासद्हरु चढेको कारमा पथलैयाका युवा समूहले आक्रमण गरेको छ । मकवानपुर क्षेत्र नं. ३ का माओवादी सभासद प्रल्हाद लामिछाने र क्षेत्र नं. ४ की सभासद कुमारी मोक्तानमाथि आक्रमणको प्रयास भएको हो ।
राजमार्गमा हेटौँडातर्फ आउँदै गरेको कारले पथलैयातर्फ जाँदै गरेको वा २४ प ५६९६ र ना ११ प ५३६५ नं. को मोटरसाइकललाई साइड च्यापेको आरोप लगाउँदै युवा समूहले गाडी तोडफोड गरेको सभासद लामिछानेले बताए । युवाहरुको आक्रमणमा परी कार चालक काठमाडौंका विकास थापा र बनेपाका प्रदीप कर्माचार्य घाइते भएका छन् । प्रहरीले परवानीपुरबाट युवाहरुलाई मोटरसाइकलसहित पक्राउ गरेको बताएको छ ।
आक्रमणको प्रयास गर्ने चारै जनालाई प्रहरी पिछा गर्दै परवानीपुरबाट ना ११ प ५३६५ र बा २४ प ५६९६ नम्बरको मोटरसाइकलसहित पक्राउ गरेको छ । पक्राउ पर्नेहरुमा हेटौडाका सुवास लोप्चन, अमिर पौडेल, संग्राम थापा र उदय तामाङ छन् । उनीहरुलाई सिमरा प्रहरी कार्यालयमा राखिएको छ । सभासदको गाडीले साइड नदिएको भन्दै उनीहरुले सभासदमाथि हातपात गरेका थिए ।
(Digg)
(Technorati)
(Blinklists)
(Del.icio.us)
