प्रधानमन्त्रीले मधेशवादी दलका नेताहरुलाई भेटे

काठमाडौं,२७ असार । प्रधानमन्त्री गिरिजाप्रसाद कोइरालाले मधेशवादी दलका नेताहरुलाई भेटेका छन् । मधेशी जनअधिकार फोरमका अध्यक्ष उपेन्द्र यादव र तर्राई मधेश लोकतान्त्रिक पार्टीका अध्यक्ष महन्थ ठाकुरसंग छुट्टाछुट्टै छलफल गरकेा छन् ।

संसदमा पेश गरिएको पूरक संशोधन विधेयक र मधेसवादी दलहरुको असन्तुष्टिका विषयमा छलफल भएको स्रोतले बतायो । भेटमा पछिल्लो राजनीतिक अन्यौल चिर्ने उपायबारे कुराकानी भएको थियो । उनले अपरान्हमा सद्भावना पार्टीका अध्यक्ष राजेन्द्र महतोसंग अपरान्ह छलफल गर्नेछन् ।

मधेशवादी दलहरु एक मधेश एक प्रदेशको माग राख्दै सदन अवरुद्ध गर्दै आएका छन् । उनीहरुले माग पूरा नभएसम्म सदन चल्न नदिने अडान राखेका छन् । यसअघि कोइरालाले माओवादी अध्यक्ष प्रचण्डसंग छलफल गरेका थिए ।